預訂 Youth EssentiA® C-Quence Serum A醇全能抗衰精華 35ml

醫學界的全能抗衰成份🛡️A醇(Retinol) 好處多多，既可以做到緊致、淡紋、又可以做到均勻膚色、淡化色素、促進角質更新及提升肌膚彈性及透明度等等，但點解又會令大家卻步？

A醇，又稱為視黃醇，係一種維生素A的衍生物，廣泛應用於護膚品當中，主要針對抗老化和改善皮膚問題。常見副作用：初時使用有機會令皮膚產生刺激出現刺痛及紅腫等問題，使用者一般需要時間適應會出現的皮膚問題。 

而今次推薦的A醇全能抗衰精華🛡️正正可以解決「令皮膚感到痛苦的不適感」！

ENVIRON 獨家專利技術 𝙑𝙄𝙏𝘼𝙈𝙄𝙉 𝙎𝙏𝙀𝙋-𝙐𝙋 𝙎𝙔𝙎𝙏𝙀𝙈® 將A醇成份的護膚品分為幾個等級，由低劑量開始逐步強化肌膚，幫助建立耐受程度，一步一步增加劑量，避免了使用A醇產品的副作用。

➖➖➖➖➖➖➖➖➖➖➖

已使用第一階段 A醇全能抗衰精華🛡️達五個月！終於可以分享使用感覺🫶🏻

今次嘗試的是低劑量的A醇成份，喺皮膚依然有正常使用去角質產品、接受高能量療程的情況下，皮膚依然冇出現任何甩皮、紅腫的情況。個人感受係搽上臉同普通精華冇分別，唔會有刺痛感覺。

我係配搭Youth EssentiA® Defence Cream 抗氧全能抗衰修復霜使用 (簡稱抗氧修復霜)最推薦配搭這個面霜使用，發揮的效果會更好！

加上A醇全能抗衰精華仲有胜肽成份，使用後最大的感受係皮膚會更緊致及飽滿，皮膚下垂情況亦有改善，適合初老肌膚使用。

而且皮膚光澤度、透明感亦有提升，但因為有連繫到其他產品，避免大家混淆。之後會更詳細介紹！

大家最關心的質地方面💘

由於Youth EssentiA® 系列針對抗衰老層面人士，質地相比起 Focus Care™ Youth+ 系列質地會更厚身，精華及面霜都有輕微滋潤感，唔算好油，痴立立，但會有滋潤感，所以如果你係完全接受唔到滋潤感，呢個系列你可能未必喜歡。 

雖然有輕微滋潤感覺，但大家都唔需要太擔心，因為A醇成份的其中一個功效就係「加速細胞更新，促進角質代謝，清理毛孔內的污垢和油脂，調節皮膚油脂分泌，好多醫生都會推薦暗瘡病人使用A醇產品，所以上面分享的質地問題主要係取決於你的喜好問題。

大家亦會關心 夠保濕嗎？💘

我自己會額外配搭 Christina Line Repair 透明質酸精華使用，單純使用Youth EssentiA® 精華及面霜應該不足夠，所以如果你係乾性肌膚，建議額外配搭透明質酸精華使用，至於如何選擇請參考其他貼文。

總結🛡️確實令皮膚更緊致，皮膚透亮度亦滿意，使用期間皮膚完全沒有不適感。夏天使用的話，作為混合肌質地講不上滿意，但我日常清潔都做足夠，所以皮膚亦無出現任何暗粒或者多咗黑頭粉刺問題。

以上品牌及產品介紹均為 @thatguysbeauty 撰寫，請勿抄襲。